Укучылар иҗаты

Мәктәбем.

Балачакның барлык шатлыкларын,

Ачышларын алып килдең син,

Сукмакларың илтә киләчәккә-

Бик кирәкле белем бирдең син.

Ике катлы иркен бу бинада

Кыңгыраулы мәктәп еллары

Ничә тапкыр безне тезгенләде,

Ничә тапкыр безгә елмайды.

Хушлашсак та синең белән, йөрәк

Һаман сыкрый, һаман сагына,

Каерылып карыйм киткән чакта

Яшьлек илем- мәктәп ягына.

Хыялымда көтәм: шул дөньяга

Кабат кайтыр көнем җитәр лә!

Мин үтәрмен якты классларга

Яңа шәкертләрне җитәкләп.                                                                                            

Бильданова Гөлназ. 1996 ел.

Чыгарылыш – 1995 !