Инде декабрь аена кердек. Урамда кар бик булмаса да, авыл җем-җем утларга күмелеп беткән. Аларның һәрберсе Яңа елны күңелгә якынайталар шикелле. Мәктәпнең тышы да матур-матур бизәкләргә күмелгән. Төрле төстәге утлар, гирляндалар мәктәпкә кышкы ямь бирәләр. Эчке күренеше дә мәктәпнең бик тә гүзәл. Һәр сыйныф плакатлар, стендлар ясаган, үз классларын яңа ел стилендә бизәгән. Барыбыз да, зарыгып, бәйрәм кичен көтәбез. Тиздән мәктәптә дә Яңа ел бәйрәме үткәреләчәк.

Шушы киләсе бәйрәмнәр белән бар кешене дә котлыйсы килә. Һәрбереребез дә киләчәк елны шатланып, бәхет диңгезенә күмелеп, яңа максатлар, планнар куеп, рәхәтләнеп, якыннары һәм дуслары янында каршыласын иде. Могҗизалы төндә теләгән барлык теләкләрегез дә тормышка ашсын иде!

admin on Сентябрь 24th, 2019

 

Көз һәр кешенең күңелендә төрле хисләр уята: кемдер алтын-сары төскә күмелгән бу вакытка ихластан сөенә, бу айларда үзенә илһам, көч ала, ә кемдер көзләрдә сагышка бирелә, хатирәләр дөньясына чума… Ничек кенә булмасын, бу ел фасылы һәр кешенең күңелендә үз урынын таба. 

Күрәмсез, дустларым, көз килде тышта;
Озак тормас, килер ак тунлы кыш та.

Китә башлады бездән инде кошлар;
Алар бездән ерак җирләрдә кышлар.


теги: , , ,

admin on Сентябрь 7th, 2019

Яңа Иглай урта мәктәбендә уку белән бергә хезмәт тәрбиясе дә алып барыла. Хезмәт тәмен тоеп үскән бала һәр яклап үсә, үзгәрә һәм зур уңышларга ирешә. Хезмәт иткән бала физик яктан гына түгел, рухи яктан да нык була.

Яз көне җир кардан ачылу белән мәктәп бакчасына кишер, бераз соңрак чөгендер белән суган утыртылды. Укучылар укытучылар белән бергәләп, утырткан яшелчәләрне карап үстерделәр. Шулай ук җәй көне мәктәптә хезмәт һәм ял лагере да эшләде. Лагерьга йөрүчеләр дә түтәлләрне утадылар, сирәкләделәр, сулар сиптеләр. Намуслы хезмәтне җир дә тиешенчә бәяләде: мул уңыш белән җавап бирде. «Җирне эшкәртергә иренмәсәң, ул халыкны туендырырга иренмәс»,- дип юкка гына әйтелмәгән татар халык мәкалендә дә.

Вакытында бергә башкарылган эш һәрвакыт үзенең нәтиҗәсен бирә. Бакчада уңыш мул булып үсте. Көз җиткәч укучылар уңышны җыярга чыктылар. Кишер, чөгендер түтәлләргә сыймый иде. Укучыларның да күңеле шат, үзләре тир түгеп үстергән уңыш бит.

теги: , , ,

admin on Сентябрь 2nd, 2019


Балалар кайта мәктәпкә,

Хушлашып җәйләр белән,

Көзге чәчәкләр һәммәсен

Тәбрикли бәйрәм белән.

теги:

admin on Август 25th, 2019

23 август көнне Нурлат районында  мәгариф һәм фән хезмәткәрләренең район август киңәшмәсенең пленар утырышы узды. Биредә узган уку елына нәтиҗә ясап, киләчәккә планнар кордылар.

теги: ,

Страница 3 из 3512345678910...2030...Последняя »