Яңа Иглай мәктәбенең математика укытучысы Рәмис Бикинеев “Белем бирүдә заманча мәгълүмати-коммуникацион   технологияләрне куллану” дип аталган XI республика конкурсында катнашып, III дәрәҗә Дипломга лаек булды. Конкурска ул үзенең укытучылар өчен булдырылган “Домашний учитель” сайтын тәкъдим иткән. 

- “Домашний учитель”дә мәктәп укытучылары өчен иң кирәкле нәрсәләрне урнаштырып барырга тырышам, – ди укытучы үзе. –  Анда компьютер серләренә әле яңа гына өйрәнә башлаучылар өчен дә, шактый тәҗрибәлеләре өчен дә кирәкле материаллар шактый. Мәсәлән, укытучыларга республика программасы буенча бирелгән ноутбукларга ничек итеп яңа программалар кертергә, интернет-конференцияләрдә ничек катнашырга, дистанцион укыту серләре һәм башкалар.
Рәмис Бикинеев әлеге конкурста беренче тапкыр гына катнашкан әле. Быел катнашучылар саны тагы да күбрәк  -  читтән торып үткәрелгән беренче  турда 250ләп кеше булган. Ә  финал өлеше  Казанда үткәрелгән, анда Рәмис Бикинеев үз сайтын яңача компьютер технологияләрен кулланып яклаган һәм  жюри әгъзаларының сорауларына да җавап биргән.
- Конкурста катнашып, үзем өчен шактый яңалыклар алдым, – ди укытучы. – Аннан республика укытучылары да шактый мәгълүмат алгандыр дип уйлыйм, чөнки конкурсның барышын  ТР Мәгариф һәм фән министрлыгы  республика укытучылары өчен он-лайн трансляцияләде бит.  

Лилия Мөбарәкшина

«Дуслык» газетасы. 08.11.2013

http://nurlat-tat.ru/

admin on Октябрь 16th, 2013

IV Бөтендөнья «Белем җәүһәрләре» интернет-проектлар бәйгесенең җиңүчеләрен бүләкләү тантанасы 14 октябрь көнне сәгать 11 дә Г.Камал ис. татар дәүләт театрының кече залында үтте. Тантанада бәйгенең финалистлары, жюри әгъзалары, узган елларда «Белем җәүһәре» дәрәҗәсен алган интернет-проект авторлары, массакүләм мәгълүмат чаралары журналистлары һәм татар интернеты тормышы белән даими кызыксынып килгән  интернет-кулланучылар катнашты. Безнең «Классташлар» сайты «Урта белем учреждениесе – җәүһәрләр чыганагы» номинациясендә җиңеп Диплом белән бүләкләнде. Барыгызга да безнең өчен җан атып торган өчен зур рәхмәт. Бергә булыйк, бердәм булыйк!

admin on Октябрь 6th, 2013

Артта калган якты эзегезгә,
Кылган эшегезгә таң калып,
Алгы көнегездә дә хөрмәт тоеп,
Яшәгез сез җирдә шатланып.

 

 

admin on Октябрь 5th, 2013

Сезгә карап сокланабыз һәрчак,

Күңелләрдә туа горурлык.

Рәхмәт сезгә, әле ярый сез бар

Безгә үрнәк булып торырлык

admin on Октябрь 1st, 2013

Илебез буенча октябрь ае башында Өлкәннәр көне уздырыла. Төрле җирләрдә өлкәннәрне котлаулар, бүләкләүләр, искә алулар бара.

   Өлкән кешеләр – безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен татыган кешеләр. Аларны өлкән булган өчен генә түгел, ә әти-әниләребез, әби-бабайларыбыз булган өчен дә хөрмәт итәргә тиешбез.

Гомерләре буе хезмәттә кайнаган, сугыш  һәм сугыштан соңгы авырлыкларны иңнәрендә күтәргән, колхоз нужасын беренче көннәреннән үк тәртәгә җигелеп тарткан әби-бабаларыбыз картлык көннәрендә зур игътибарга, хөрмәткә лаек.

Рәхмәт сезгә, бу дөньяда куйган хезмәтләрегез, кылган изгелекләрегез өчен. Без, яшьләр, сезнең киңәшләрегездән тайпылмабыз, үрнәк булырга тырышырбыз.

Безнең әбиләргә, дуслар,

Хөрмәтем бик зур минем.

Шундый кешеләр булганга

Шатланам, туган җирем.

admin on Сентябрь 26th, 2013
Оста иртән үк эшкә кереште,
Эш кораллары юксынган эшне
Куллар, йөрәк сагынган эшне
Кинәнеп эшли – бәхетле кеше!

 

 

 

 

теги:

Страница 11 из 26« Первая...78910111213141516...Последняя »