Блог турында
информбюро
Репортаж
Ата-аналарга
Яшь вебмастерга
Укытучыга
Укытучым
Хәтергә
фотогалерея
Укучылар иҗаты
Мәктәп музее
Ел укытучысы
Авылдашлар
Архивтан
Көз һәр кешенең күңелендә төрле хисләр уята: кемдер алтын-сары төскә күмелгән бу вакытка ихластан сөенә, бу айларда үзенә илһам, көч ала, ә кемдер көзләрдә сагышка бирелә, хатирәләр дөньясына чума… Ничек кенә булмасын, бу ел фасылы һәр кешенең күңелендә үз урынын таба.
Күрәмсез, дустларым, көз килде тышта;
Озак тормас, килер ак тунлы кыш та.
Китә башлады бездән инде кошлар;
Алар бездән ерак җирләрдә кышлар.
Яңа Иглай урта мәктәбендә уку белән бергә хезмәт тәрбиясе дә алып барыла. Хезмәт тәмен тоеп үскән бала һәр яклап үсә, үзгәрә һәм зур уңышларга ирешә. Хезмәт иткән бала физик яктан гына түгел, рухи яктан да нык була.
Яз көне җир кардан ачылу белән мәктәп бакчасына кишер, бераз соңрак чөгендер белән суган утыртылды. Укучылар укытучылар белән бергәләп, утырткан яшелчәләрне карап үстерделәр. Шулай ук җәй көне мәктәптә хезмәт һәм ял лагере да эшләде. Лагерьга йөрүчеләр дә түтәлләрне утадылар, сирәкләделәр, сулар сиптеләр. Намуслы хезмәтне җир дә тиешенчә бәяләде: мул уңыш белән җавап бирде. «Җирне эшкәртергә иренмәсәң, ул халыкны туендырырга иренмәс»,- дип юкка гына әйтелмәгән татар халык мәкалендә дә.
Вакытында бергә башкарылган эш һәрвакыт үзенең нәтиҗәсен бирә. Бакчада уңыш мул булып үсте. Көз җиткәч укучылар уңышны җыярга чыктылар. Кишер, чөгендер түтәлләргә сыймый иде. Укучыларның да күңеле шат, үзләре тир түгеп үстергән уңыш бит.
теги: бакча, көзге кросс, мул, уңыш
Балалар кайта мәктәпкә,
Хушлашып җәйләр белән,
Көзге чәчәкләр һәммәсен
Тәбрикли бәйрәм белән.
теги: 1 сентябрь
23 август көнне Нурлат районында мәгариф һәм фән хезмәткәрләренең район август киңәшмәсенең пленар утырышы узды. Биредә узган уку елына нәтиҗә ясап, киләчәккә планнар кордылар.
теги: август киңәшмәсе, нурлат
Әле генә соңгы кыңгырау яңгыраган, балалар җәйге озын каникулларга таралган кебек иде. Санаулы вакыт тиз уза. Ялларның да соңгы өченче аеның яртысына җиттек. Балалар, әти-әниләрнең мәктәпкә әзерләнер вакытлары да якынлашты. Тик балаларны гына түгел, мәктәп биналарын да яңа уку елына әзерлиләр һәм район хакимияте, мәгариф бүлеге, күп ведомстволарны үз эченә алган комиссия аларны тикшереп, бәя дә куйды. Мәктәп коллективы көче белән башкарган буяу эшләреннән соң, мәктәбебез тагын да матурланды. Мәктәпләрне тикшергәндә иң төп игътибар янгын куркынычсызлыгы, санитария таләпләренә, терроризм һәм экстремизмга каршы таләпләрне үтәүгә, мәктәп инфраструктурасы үсешенә, биналарны төзекләндерүгә, территориядәге тәртипкә һ.б. юнәлдерелде. Мәктәбебез сынауны бик әйбәт узды.
теги: 1 сетябрь, иглай, мәктәп, новое иглайкино, яңа уку елы
